Policia belge ka arrestuar gjithsej shtatë persona të dyshuar për terrorizëm.
Sipas asaj që komunikoi Zyra Federale e Prokurorisë, 6 prej tyre dyshohet se kishin planifikuar që të godisnin Brukselin gjatë mbrëmjes së ndërrimit të viteve, ndërkohë se personi shtatë besohet se ka lidhje me tragjedinë që tronditi Parisin gjatë mbrëmjes së 13 nëntorit.
Autoritetet njoftuan se arrestimi it ë dyshuarve u bë mëngjesin e datës 31 dhjetor, teksa personat e ndaluar do të merren në pyetje nga prokurorët.
Ndërkohë, personi i shtatë i arrestuar brenda 24 orëve e dërgon në dhjetë numrin e personave të cilët kanë përfunduar në pranga si pasojë e dyshime për lidhje me sulmet e Parisit.
Shtetasi Ayoub B. ,mbiemri i plotë i të cilit nuk bëhet publik për të respektuar hetimet që vijojnë, u arrestua në zonën e Molenbeek. Ai do të paraqitet në gjyq brenda pesë ditëve, teksa mbi të rëndojnë akuzat e pjesëmarrjes në organizata terroriste si dhe vrasja./tesheshi.com/
