Policia turke ka arrestuar dy persona në Ankara, të cilët janë të dyshuar për planifikimin e një sulmi terrorist natën e ndërrimit të viteve. Lajmi është referuar në Sky News, duke shpjeguar se sipas një funksionari të shtetit, kamikazët e presupozuar ishin të lidhur me ISIS.
“Dy të dyshuarit e arrestuar, të dy turq, janë ndaluar në banesat e tyre në Ankara”,- shkruhet në agjencinë e lajmeve Anadolu. Agjencia tregon se në operacionin e policisë janë arrestuar pesë breza me eksploziv. Kamikazët e mundshëm, sipas të njëjtave burime, planifikonin sulme në dy vende të ndryshme në Ankara gjatë festimeve për ndërrimin e viteve.
Objektivi ishte shpërthimi i dy bombave, njëra pranë një bari dhe një tjetër në një qendër tregtare në lagjen Kizilay. “U kapën përpara se të kishin mundësinë për të vepruar”,- ka thënë një burim zyrtar./tesheshi.com/
