Kreu i diplomacisë evropiane Josep Borrell ka refuzuar pjesë të planit amerikan për Lindjen e Mesme, atë që do ta mbanin Izraelin të vendosë vendbanime të paligjshme hebraike në Bregun Perëndimor të okupuar që nga lufta 6-ditore më 1967, duke thënë se Presidenti Trump ka cenuar “parametrat e rënë dakord ndërkombëtarisht”.
Qeveritë e BE-së hedhin poshtë vendbanimet hebraike në territorin e okupuar nga Izraeli që nga lufta e vitit 1967, përfshirë Bregun Perëndimor, Jeruzalemin Lindor dhe Rrafshnalët Golan, dhe Borrell përsëriti këtë pozicion sot.
“Hapat drejt aneksimit, nëse zbatohen, nuk mund të shkojnë pa diskutim,” tha Borrell në një deklaratë për shtyp, duke forcuar retorikën kundër planit të Trump, në krahasim me pozicionet e mëparshme muajin e kaluar kur një drejtues amerikanë e njoftuan mbi planin, kujton Reuter.
Këshilltari dhe dhëndri i presidentit amerikan Donald Trump, Jared Kushner, do t’i raportojë Këshillit të Sigurimit të Kombeve të Bashkuara për planin e paqes në Lindjen e Mesme këtë javë, vetëm disa ditë para se Presidenti palestinez Mahmoud Abbas të mbërrijë në Neë York për t’ju drejtuar të njëjtin organ. /tesheshi.com/
