Plani serb për Kosovën: modeli izraelit i kibutseve të kolonëve

Presidenti serb Aleksandër Vuçiç ka bërë të ditur se të dielën nis dialogu i lartë mes Prishtinës dhe Beogradit për Kosovën, ku do të ketë një kërkesë të qartë të Serbisë për kompromis.

Si thelb të propozimit serb do të jetë krijimi i zonave të mbrojturave të banuara nga serbët në Kosovë, ku BE-ja do të financojë sasi të mëdha parash për ndërtime shtëpish dhe punësime.

Me një fjalë, modeli izraelit i kolonëve nëpër kibutse ku nuk mungon asgjë.

Vuçiç, i cili foli në Dimitrovgrad të Serbisë Lindore ku ai ndodhej së bashku me presidentin bullgar Rumen Radev, tha se do të gjendet një zgjidhje për të mundësuar që banorët e Kosovës, si shqiptarë e si serbë, të udhëtojnë pa viza në zonën Shengen.

“Ne kemi lënë mënjanë më shumë se 500 milionë euro në vit për popullatën tonë në Kosovë. Lugina e Diellit është modeli ynë më i mirë”, tha Vuçiç, duke bërë të ditur projektin që do të ngrihet pikërisht si enklavë e lulëzuar.

Aleksandar Vuçiç tha më pas se dialogu me Prishtinën të dielën do të jetë “i vështirë, por që Beogradi do të mbrojë qëndrimin e tij.

Do të jetë një tjetër mundësi për pozitat tona të dëgjohen, një tjetër mundësi për të luftuar për vendin tonë dhe popullin tonë, duke respektuar në anën tjetër dhe me dëshirën për të arritur një zgjidhje”.”  /tesheshi.com/