Presidenti Trump tha se do të njoftojë një plan paqeje në Lindjen e Mesme përpara pritjes së kryeministrit izraelit Benjamin Netanyahu në Shtëpinë e Bardhë, i cila u njoftua për të martën.
Duke folur me gazetarët në Florida, Trump tha se ai do të takohej me kryeministrin Netanyahu të martën në Shtëpinë e Bardhë, dhe se deri në atë moment ai do të shpallte një plan që e quan si “Marrëveshjen e Shekullit”.
“Unë gjithashtu kontaktova shkurtimisht me palestinezët, por do të takohem me ta me kalimin e kohës. Marrëveshja ofron shumë përfitime për ta. Jam i sigurt se palestinezët do ta kundërshtojnë atë në fillim, por marrëveshja është në të vërtetë shumë pozitive për ta”, tha Trump.
Raportet e mediave izraelite thonë se plani i paqes do të jetë shumë i favorshëm për Izraelin, i cili do të mbajë kontrollin në pjesën më të madhe të Bregut Perëndimor të okupuar.
Gazeta izraelite Israel Hayom publikoi përmbajtjen e një plani paqeje që e quajti “Marrëveshja e Shekullit”, atu nga mesi i vitit të kaluar
Israel Hayom është e afërt me Netanyahu.
Sipas saj, “Marrëveshja e Shekullit” do të nënshkruhet nga tre palë: Izraeli, Organizata për Çlirimin e Palestinës (PLO) dhe Hamasi.
Aty parashihet dhe krijimi i një shteti palestinez të quajtur “Palestina e Re”, i cili do të vendoset në Bregun Perëndimor të okupuar, d.m.th. në pjesë të Bregut Perëndimor në Judea, Sumaria dhe Rripin e Gazës.
Ndërsa vendbanimet e paligjshme hebraike në Bregun Perëndimor do të njihen zyrtarisht si pjesë e Izraelit.
Fati i Jeruzalemit
Sa për fatin e Jeruzalemit, i njohur nga administrata Trump si kryeqytet i Izraelit, në marrëveshje thuhet se qyteti i shenjtë do të mbetet i pandarë. Jeruzalemi do të jetë kryeqyteti i Izraelit dhe i “Palestinës së Re”, por përgjegjësitë do të ndahen midis Izraelit dhe “Palestinës së Re”.
Banorët palestinezë në Jeruzalem do të jenë qytetarë të “Palestinës së Re”. Izraeli mban kontrollin pothuajse të plotë të Jeruzalemit, përveç arsimit. “Palestina e Re'” do të paguaj taksa dhe ujë për administratën izraelite të Jeruzalemit, dhe nga ana tjetër do të jetë përgjegjëse për edukimin e palestinezëve në qytet.
Marrëveshja do të ruajë status quo-në e vendeve të shenjta në qytet, dhe hebrenjtë nuk do të lejohen të blejnë shtëpi palestineze dhe anasjelltas.
Rripi i Gazës
Sipas përmbajtjes së marrëveshjes, Egjipti do të marrë me qira tokë në shtetin e “Palestinës së Re” afër Bregut Perëndimor, për të ndërtuar një aeroport, fabrika, dyqane dhe të zhvillojë bujqësinë, pa lejuar që palestinezët të banojnë në këto zona.
Tokat egjiptiane që do të përfshihen në marrëveshje do të përcaktohen në një datë të mëvonshme, me këtë pjesë të marrëveshjes që do të zbatohet brenda pesë vjetëve të nënshkrimit.
Gjithashtu, është planifikuar të ndërtohet një autostradë 30 metra mbi tokë në të gjithë Izraelin për të lidhur Gazën e izoluar dhe Bregun Perëndimor. Kina do të paguajë 50 përqind të kostove të ndërtimit të autostradës; Koreja e Jugut, Australia, Kanada, SHBA dhe BE do të paguajnë 10 përqind secila.
Financimi i “Marrëveshjes së Shekullit”
Marrëveshja përcakton që SHBA, vendet e BE-së dhe vendet e Gjirit do të financojnë dhe sponsorizojnë zbatimin e këtij plani të paqes, duke shpenzuar gjithsej 30 miliardë dollarë – ose 6 miliardë dollarë në vit – për pesë vjet për të financuar projektin “Palestina e Re”.
Shtetet e Bashkuara do të paguajnë 20 përqind të kostos për projekte të tilla, ose 1.2 miliardë dollarë në vit, 10 përqind do i takojnë BE-së, ndërsa vendet e Gjirit do të financojnë pjesën më të madhe, 70 përqind.
“Palestina e re” nuk do të lejohet të krijojë ushtri, por vetëm të mbajë forca policore. Një marrëveshje mbrojtjeje do të nënshkruhet midis Izraelit dhe “Palestinës së Re”, duke thënë se shteti i ri do t’i paguante Izraelit për ta mbrojtur atë nga sulmet e mundshme të huaja. Shtetet arabe gjithashtu do të kontribuojnë në pagesa për Izraelin në këmbim të mbrojtjes së “Palestinës së Re” nëse është e nevojshme.
Dënimet dhe paratë
Pasi të nënshkruhet marrëveshja, Hamas, si partia në pushtet e Gazës dhe lëvizja kryesore e armatosur e rezistencës palestineze, do të duhet të dorëzojë të gjitha armët, përfshirë armët e vogla, tek autoritetet egjiptiane.
Kufijtë e Rripit të Gazës do të rihapen për të tregtuar me botën e jashtme përmes terminaleve dhe vendkalimeve izraelite. Derisa të ndërtohen rrugët dhe aeroportet palestineze, palestinezët do të jenë në gjendje të përdorin aeroportet dhe portet izraelite.
Nëse Hamasi dhe Xhihadi Islamik refuzojnë të nënshkruajnë këtë marrëveshje, do të fillohej një luftë kundër tyre me mbështetjen e Shteteve të Bashkuara të Amerikës. Gjithashtu, media të tjera kanë zbuluar se Donald Trump ka kërcënuar sundimtarët arabë se sundimi i tyre do të kërcënohej nëse ata nuk e mbështesin “Marrëveshjen e Shekullit”. /tesheshi.com/
