Partia Laburiste Britanike shënoi epërsinë më të madhe në sondazh ndaj Partisë Konservatore në pushtet në më shumë se 20 vjet, dhe arsyeja kryesore është propozimi i qeverisë për të ulur taksat për të pasurit.
Ministri i Financave Kwasi Kwarteng zbuloi një plan javën e kaluar që kërkon uljen më të madhe të taksave në histori, fundin e kufizimeve të bonusit të bankierëve dhe huamarrjes masive, duke “ngritur pluhur” në tregje dhe duke rënduar paundin.
Nuk janë të kënaqur as qytetarët, duke gjykuar nga sondazhi i YouGov, shkruan The Times.
Dallimi më i madh që nga viti 2001
Përqindja e të anketuarve që mbështesin laburistët opozitarë në sondazh është 17 pikë më e lartë se ajo e konservatorëve, që është diferenca më e madhe që nga viti 2001 dhe mandati i Tony Blair, raporton Reuters.
Uljet e njoftuara të taksave kanë shkaktuar shumë rezistencë edhe në mesin e konservatorëve, tregoi sondazhi, me vetëm 19 përqind të të anketuarve që e konsiderojnë propozimin e buxhetit të Kwarteng “të drejtë”, më i ulëti që kur YouGov filloi të bënte pyetjen në 2010.
Lideri laburist Keir Starmer planifikon të sulmojë planin ekonomik të kryeministres Liz Truss të martën, duke thënë se në vend të uljes së taksave për të pasurit, laburistët do të krijojnë vende pune, do të përmirësojnë arsimin për punëtorët dhe do të trajtojnë ndryshimet klimatike. /tesheshi.com/
