Edhe PD, siç Presidenca, ka dhënë një vlerësim për planin ekonomik të Ramës në kuadër të krizës së paprecedent, e cila cilësohet ndryshe dhe si “luftë”.
“PD e konsideron planin e masave social-ekonomike si të domosdoshëm për përballimin e krizës së shkaktuar nga pandemia e koronavirus”, ishte fjalia e parë në reagim nga selia blu.
Më pas vijnë dy fjali të tjera që përligjin pozicionin politik si opozitë.
“Propozimi i qeverisë ka nevojë urgjente për transparencë dhe për t’u detajuar. Masat e shpallura vlerësohen nga PD si një hap i parë i mirëpritur, por i pamjaftueshëm“, u tha nga PD-ja. /tesheshi.com/
