Emërimi i një amerikani në krye të Prokurorisë Specale të Kosovës, si dhe marrja nën kujdestari e Byrosë Kombëtare të Hetimit dhe e Prokurorisë Speciale në Shqipëri nga ana e SHBA-së, ka dhënë provën më të fortë se ndërhyrja e Uashingtonit në Ballkan është e koordinuar.
Një burim diplomatik i tha tesheshi.com se tashmë ka nisur një maksioperacion për kapjen e bosëve shqiptarë të drogës kudo ku janë dhe sekuestrimin e të gjitha aseteve të investuara në Shqipëri dhe Kosovë.
Arrestimi i dy ditëve më parë në Mal të Zi i Liridon Kelmendit, djalit të Naser Kelmendit, alias- bosit ballkanik të heroinës, është vetëm nisja e një zinxhiri prangosjesh që do të vijojnë në Milano, Torino, Amsterdam, Barcelonë, Antverp, Hamburg, Pragë etj., ndaj baronëve shqiptarë të drogës.
Operacioni mësohet se do të jetë “panshqiptar” dhe do të përfshijë trafikantët si nga Shqipëria ashtu edhe nga Kosova. Më pas nëpërmjet këtyre bosëve dhe bashkëpunëtorëve të tyre do të gjenden lidhjet me politikën dhe botën e biznesit në Kosovë e Shqipëri.
Siç mësohet, kemi të bëjmë me një operacon të mirëfilltë spastrimi, dosjet e të cilit janë të mbushura dhe të plotësuara dhe synojnë vetëm zbatimin.
Pikërisht për këtë SHBA dhe BE nuk i ka besuar klasës politike në Tiranë e Prishtinë duke e marrë në dorë vetë situatën.
Nuk është fare rastësi që në krye të Prokurorisë Speciale të Kosovës është emëruar juristi i njohur amerikan, David Schvvendiman.
Ndërkaq, në të njëtën kohë në Shqipëri të gjithë agjentët e Byrosë Kombëtare të Hetimit dhe Prokurorisë Speciale do të trajnohen nga FBI-ja amerikane. Të gjitha këto shpenzime, por edhe një ndihmë financiare direkte që do të jepet nga Uashingtoni për drejtësinë, janë veçse dëshmi të qarta të një aksioni tashmë të filluar.
Prokuroria Speciale e Kosovës, përveçse do të hetojë çështjen e akuzave të Dick Marty-t, gjë që është një pesë me hiç, mësohet se do të nxjerrë të gjitha në shesh nga dosjet e trafikut, kontrabandës dhe korrupsionit që janë kryer nga disa prej eprorëve të UÇK-së që më pas hynë në politikën aktive.
Prokuroria Speciale e Kosovës dhe e Shqipërisë pritet të jenë në një linjë të përbashkët për të goditur “Prizrenin”, ku dy vitet e fundit është përqëndruar trafiku masiv i narkotikëve dhe pjesa më e madhe e këtij trafiku kontrollohet nga segmente të rëndësishme të politikës.
Vetëm dy muajt e fundit në disa kryeqytete të Europës janë kapur disa prej bosëve shqiptarë të drogës, të cilët janë zbërthyer duke rrëfyer lidhjet e tyre me politikanë të lartë në Shqipëri.
Një pjesë e baronëve janë kthyer tashmë në dëshmitarë të mbrojtur, në të “penduarit” e parë të zbarthimit të oktapodit shqiptar të krimit dhe korrupsionit. /tesheshi.com/
