Bashkimi Evropian ka hedhur bazat për një program ambicioz hapësinor prej 10 miliardë eurosh, që synon krijimin e një plejade satelitësh për të rivalizuar Starlink-un e Elon Musk-ut.
Qëllimi është të sigurohet që qeveritë evropiane dhe forcat e tyre të armatosura të sigurojnë komunikime mes shqetësimeve në rritje të sigurisë kibernetike globale.
Përparimi teknologjik, thotë BE, do të thotë se rrjeti i Iris2 prej 290 satelitësh me fuqi të lartë dhe të ulët do të jetë i barabartë me 1000 satelitë Starlink.
Ai do të përfshijë dy lloje satelitësh që do të operojnë në orbitë të ulët dhe lartësi mesatare.
Evropa aktualisht shërbehet nga një kombinim i rrjeteve satelitore të licencuara nga shteti për televizionin, internetin dhe mbrojtjen, meteorologjinë dhe mbikëqyrjen e kufijve.
Pas Galileos dhe Copernicus, Iris2 është programi i tretë satelitor kryesor i BE-së i krijuar për të adresuar sfidat afatgjata, raporton Guardian, të cilat janë shtuar pas pushtimit rus të Ukrainës dhe raporteve për sulme kibernetike në vendet evropiane.
Rrjeti pritet të funksionojë gradualisht nga viti 2030.
Në program marrin pjesë kompani të mëdha evropiane si Airbus Defense and Space, Deutsche Telekom, Thales Alenia Space e Francës dhe Telespazio e Italisë. /tesheshi.com/
