Në një raport mbi fitimet në tremujorin e parë të vitit 2021, Netflix zbuloi se këtë vit do të shpenzojë më shumë se 17 miliardë dollarë në prodhimin e përmbajtjes, filmave dhe serialeve origjinale, raporton Variety.
“Siç kemi vërejtur më parë, vonesat e prodhimit për shkak të COVID-19 nga viti 2020 do të çojnë në më shumë përmbajtje në 2021, dhe kështu në një buxhet më të lartë,” tha kompania në një letër për aksionarët.
“Duke supozuar se kjo vazhdon, ne do të shpenzojmë më shumë se 17 miliardë dollarë në prodhimin e përmbajtjes këtë vit dhe do të vazhdojmë të shpërndajmë një gamë të pabesueshme titujsh për anëtarët tanë, më shumë ‘produkte origjinale’ sesa vitin e kaluar”, njoftoi Netflix.
Në vitin 2019, kompania shpenzoi më shumë se 15 miliardë dollarë krahasuar me 12 miliardë dollarë në 2018 dhe vlerësohet se në vitin 2020 ajo shpenzoi rreth 17 miliardë dollar. Analistët nga BMO Capital Markets vlerësojnë se me këtë normë ata mund të shpenzojnë dhe në 26 miliardë deri në 2026.
Gjithashtu, themeluesi dhe bashkë-CEO Reed Hastings dhe CEO Greg Peters aluduan për hyrjen e kompanisë në tregun e lojërave video, duke thënë se ato janë një pjesë shumë e rëndësishme e industrisë së argëtimit dhe duke u përpjekur të kuptojnë më mirë se si mund të zgjerojnë fushën e ekranit të preferuar personazheve. /tesheshi.com/
