Shtetet e Bashkuara dhe Koreja e Jugut kanë theksuar se do të vazhdojnë të kundërshtojnë politikën e Koresë së Veriut duke përdorur të gjitha mekanizmat e mundshëm.
Shtetet e Bashkuara dhe Koreja e Jugut theksuan në takimin e rregullt të Grupit të përbashkët Këshillues të Strategjisë së Parandalimit në nivel të Zv/ministrave të Mbrojtjes, të mbajtur në Uashington, se do të vazhdojnë të kundërshtojnë politikën e Koresë së Veriut duke përdorur të gjitha mekanizmat e mundshëm.
Pjesëmarrësit në takim shprehën “shqetësim serioz për përshkallëzimin dhe raportet destabilizuese nga Pheniani në lidhje me përdorimin e armëve bërthamore, duke përfshirë miratimin e ligjit të ri të armëve bërthamore të Koresë së Veriut“.
“SHBA dhe Republika e Koresë kanë konfirmuar se testi bërthamor i Phenianit do të përballet me një përgjigje të fortë. Të dy vendet bashkërendojnë ngushtë veprimet e tyre në detaje dhe janë të përgatitur për të gjithë skenarët e mundshëm”, theksohet në dokument.
Për të kundërshtuar Korenë e Veriut, është planifikuar të rritet numri i stërvitjeve të përbashkëta dypalëshe dhe shumëpalëshe në rajon, shtoi ai.
Në njoftim thuhet gjithashtu se SHBA dhe Koreja e Jugut do të forcojnë bashkëpunimin në luftën kundër shmangies së Koresë së Veriut ndaj sanksioneve të Këshillit të Sigurimit të Kombeve të Bashkuara dhe do të kërkojnë denuklearizimin e pjesës veriore të Gadishullit Korean. /tesheshi.com/
