Trajneri i Bayern të Mynihut, Jupp Heynckes “vdes” për të patur në ekip Kevin De Bruyne.
“Plakushi”, në një intervistë dhënë për mediat gjermane, është shprehur se belgu është një lojtar i vecantë, për të cilin do të jepte gjithcka që ta kishte në ekip.
“Për të do të jepja edhe këmishën e fundit që ta merrja në skuadër. De Bruyne momentalisht është lojtari më i shkëlqyer që egziston në Europë, për pozicionin ku luan” – deklaron Heynckes për “Kicker”.
E duke vijuar të flasë për merkaton e Bayern, trajneri bavarez thekson se duhet vazhduar përpara me lojtarët që egzistojnë.
“Duhet të vijojmë projektin me Sule, Kimmich, Toliso, Coman etj. Natyrisht duhet edhe ndonjë lojtar cilësor, një futbollist që të mund të kushtojë rreth 50 milion euro, edhe pse me këto shifra sot, vështirë të blesh një top player” – shprehet Heynckes.
Lidhur me favoritët për të fituar Champions League, trajneri i Bayern bën diplomatin kur thotë se skuadra e tij nuk është favorite, por është mes favoriteve, bashkë me skuadrat angleze, PSG, e Barcelonën e Realin e Madridit.
Megjithatë për të, objektivi kryesor i sezonit mbetet fitimi i Bundesligës, të cilin duket se e ka “në xhep”, pasi është shkëputur 13 pikë nga ndjekësaj më e afërt.
Në fund, “Plakushi” flet edhe për “pleqtë” e Bayern, kontratat e Ribery e Robben.
“Askush nuk duhet të bëjë gabimin e t’i nënvlerësojë. Ata kanë ende për të dhënë shumë, por kanë edhe të drejtën të dinë cfarë do të bëjë klubi me ta. Për këtë kanë mbështetjen time të plotë” – deklaron Jupp Heynckes. /tesheshi.com/
