Plagosja e dy turistëve si pasojë e rënies së një guri nga lartësitë, e kjo nga rreshjet e dendura, ka çuar në vendimin qeveritar për mbylljen e përkohshme të Syrit të Kaltër. Një prej simboleve të turizmit shqiptar, është pranuar dhe ministri Klosi se nuk ka menaxhimin e duhur.
“Eshtë një ngjarje e cila nga ndodhur në pikat më të vizitueshme të vendit, ndaj sot Syri Kaltër është i mbyllur. Edhe Syri i Kaltër është një nga ato gangrenat e turizmit shqiptar edhe pse është mbase një nga stacionet më të bukura turistike të vendit. Ka një mënyrë shumë të vjetër të menaxhimit dhe të trajtimit”, tha Klosi.
Por sipas tij, kjo gjendje duhet të ndryshojë. “Ministria ka përgatitur një projekt të ri që besoj me vitin buxhetor 2020 ne do të kemi mundësi që të bëjmë investim të plotë dhe një trajtim krejt tjetër të Syrit të Kaltër, që mos të jetë një vend ku vetëm bukuria e natyrës ekziston, por edhe një trajtim tjetër”, u shpreh Klosi. /tesheshi.com/
