Një punonjës i Bashkisë së Pogradecit është plagosur, ndërsa ishte angazhuar në një aksion për shuarjen e zjarreve në masivin pyjor të Pojskës.
Policia njoftoi se gjatë përpjekjeve për shuarjen e zjarrit, një punëtor i Bashkisë Pogradec, konkretisht shtetasi Astrit Blloko, 57 vjeç, është plagosur si pasojë e shpërthimit të një sendi/mjeti shpërthyes (për përcaktimin dhe gjetjen e llojit të së cilit do të punohet pas shuarjes së zjarrit) duke marrë dëmtime në gjymtyrët e poshtme.
Menjëherë në vendngjarje shkuan shërbimet e Policisë, Zjarrfikëset dhe Emergjencat Civile, të cilat vijojnë punën edhe aktualisht në një terren të vështirë e të thyer, për lokalizimin e flakëve.
I plagosuri u transportua në Spitalin e Pogradecit, për të marrë mjekimin e nevojshëm. Po punohet për shuarjen e zjarrit, zbardhjen e shkaqeve të rënies së tij, si edhe dokumentimin e plotë të ngjarjes. /tesheshi.com/
