Ish-sekratari i parë për Kosovën i Lidhjes Komuniste Jugosllave, Azem Vllasi, prej vitesh avokat, është plagosur me armë zjarri rreth orës 08:00 të mëngjesit në zyrën e tij të avokatisë.
Gjendja e tij shëndetësore është jashtë rrezikut për jetë, konfiron përmes një njoftimi Shërbimi Spitalor Klinik Universitar (SHSKUK).
Bashkëshortja e tij, Nadira Avdiq Vllasi e cila ka qenë pranë burrit në momentin e ngjarjes ka thënë për media se një person e ka plagosur Azemin në krah.
“Sot në mëngjes te ne erdhi një person i cili kërkoi që Azemi ta përfaqësonte në një lëndë. Azemi i tha se nuk punon në ato lëndë dhe pas kësaj, ashtu si munda të vërej, ndodhi një shtyrje e pastaj u dëgjua një e shtënë. Azemi është plagosur në krah”, ka thënë znj. Vllasi duke shtuar se bashkëshorti i saj është me vetëdije dhe se tani po përgatitet për operacion.
Ndaj plagosjes së Vllasit kanë plasur reagime të mëdha.
Presidenti Thaçi ka theksuar se ka pranuar me shqetësim lajmin për plagosjen e avokatit, ish-udhëheqësi i fundit komunist i Kosovës.
Ai ka shtuar se akte të tilla janë të papranueshme dhe të dënueshme në një shoqëri, e cila pritet kryesor ka forcimin e sundimit të rendit dhe ligjit.
Reagime kanë ardhur edhe nga Oda e Avokatëve të Kosovës, duke e cilësuar plagosjen e Vllasit si goditje për sistemin e Drejtësisë. /tesheshi.com/
