Gazeta Paranorama Sport ka akuzuar dy portale të njohura për vjedhje lajmi. Fjala është për Tema online dhe Lapsi.ai.
Ja ç`shkruhet në artikullin denoncues të Panorama Sport:
“…dy portale të tjerë, Tema dhe Lapsi e kanë riprodhuar këtë lajm duke përdorur informacionin dhe fotografitë e botuara në gazetën Panorama Sport dhe nuk e kanë cituar atë. Gazeta Tema në internet ka marrë dy fotografitë nga vendi i ngjarjes, të cilat shoqërohen edhe me diciturën e gazetës dhe i ka postuar në faqen e saj, jo vetëm pa marrë më parë leje, por edhe pa e cituar Panorama Sport. Më keq akoma Lapsi.al, ka publikuar gati 90% të shkrimit të Panorama Sport së bashku me këto dy foto dhe nuk i ka cituar. Kjo mënyrë gazetarie, sigurisht i ka kaluar limitet e etikës, dhe ndoshta ka thyer edhe kodet që mund të kenë plagjiatorët mes tyre.”
Pra, është fjala për marrje materiali pa cituar dhe pa njohur autorësinë origjinale të shkrimit. Dhe ky fenomen është përhapur dukshëm kohët e fundit si pasojë e shtimit të portaleve dhe zgjedhjes jo profesionale dhe jo etike të ushtrimit të profesionit të gazetarit. /tesheshi.com/
