Ndërsa partia e komunitetit serb Lista Serbe po bllokon bërjen e ushtrisë për çka vazhdojnë të dëgjojnë urdhrat e Beogradit, rekrutëve të rinj të Forcës së Sigurisë së Kosovës nga ky komunitet fare nuk u pengon një gjë e tillë. Për më ata thonë se ndihen mirë që do të shërbejnë në ushtrinë e ardhshme të Kosovës.
Pjesëtari më i ri i FSK-së, nga komuniteti serb Velko Çurçiç, thotë se e sheh të ardhmen në Kosovë, pasi dëshiron të punojë dhe të jetojë këtu, sepse nuk ka pengesa nga askush. Madje, fton edhe bashkëkombësit e tjerë të tij që t’i bashkohen FSK-së dhe institucioneve tjera shtetërore.
“Jo, me sa di unë jo. Ata të paraqiten në konkurse dhe të kërkojnë punë. Jo, nuk do të thosha se më pengon”, ka thënë ai, raporton kp.
Një i ri tjetër serb, Stefan Gjukiq nga Zubin Potoku e quan përvojë të mirë t’i shërbejë ushtrisë së Kosovës dhe ndihet mirë për këtë.
“Kemi kërkuar punë. Më pëlqen jeta ushtarake, babai im është polic, e dua këtë punë. Kjo është një përvojë e re, unë jam këtu për herë të parë. Është një përvojë e re”, ka thënë Gjukiq.
Në ceremoninë e certifikimit të 61 rekrutëve të rinj nga komunitetet jo shumicë në FSK mori pjesë edhe presidenti Hashim Thaçi, i cili u uroj një fillim të mbarë dhe të suksesshëm në përmbushjen e detyrave të shenjta dhe fisnike për mbrojtën e vendit./tesheshi.com/
