O Tom trimi ngrite shtetin në “këmbë”
Nga Ali Pyka
E “tunde” shtetin o Tom, zbor u ke bërë
Me Ramë, Nishan, Meta e të tërë
Me Manjani, Vasili, Llalla e të tjerë
Ne rresht i ke vënë, një pas një k’të herë
* * *
Pa folen të gjithë, qerpiku s’ju tremb
Do flasin patjetër, se diçka ju dhemb
Je bërë person, tepër i klikuar
Por, Berishë-Nishanin ke kartë në duar
* * *
Të gjithë sa folën, gjithçka e mohuan
Të drejtë kanë, duam apo s’duam
Me Ramë, Metë, Llallë e të tjerë
Por, vetëm Spahiu tha një të vërtetë
* * *
Të shihen tabulatet e gjithë parlamentit
O burra në rradhë luani vendit
Por, një gjë s’kupton Kreshnik trimi
Kërkon shumë gjëra, t’ja nisë nga fillimi
* * *
O Tom malësori, ti ndoshta ke të drejtë
Por, një gjë është më se e vërtetë
Të flasin njerëzit kush pak e kush shumë
Po fjala e tyre është lumë e për lumë
* * *
Ka ardhur koha, ta themi hapur
Pas fjalëve njerëzit shumë janë kapur
Ta themi troç, ta zgjojmë nga gjumi
Prokurorinë tonë se e ka marrë lumi
* * *
Mjaft me akuza, fjalë e mllefe
Ta shkundim Prokurorinë të vijë në vete
Ta bëjë punën e saj ashtu siç duam ne
Të nxjerrë të vërtetën si qielli pa re
