Pistoleta Walther PP, e përdorur nga Sean Connery në filmin e parë të James Bond të vitit 1962, “Dr. Jo”, do të dalë në ankand muajin tjetër në Los Anxhelos.
Ankandi është planifikuar nga Julien’s Auctions në 3 dhjetor.
Arma mund të shitet për 200,000 dollarë, sipas shtëpisë së ankandit.
Ikonografia e James Bond është pothuajse aq e njohur sa vetë personazhi. Spiuni është i njohur për pistoletat e tij Aston Martin, Martini dhe Walther PPK.
Megjithëse në filma, arma e Bond quhej PPK, propi aktual i përdorur në “Dr. Jo” ishte Walther PP, i cili kishte një ndërtim pak më të gjatë.
“Në debutimin e filmit të personazhit James Bond, Connery përdori këtë armë heroike gjatë gjithë filmit dhe ndihmoi në krijimin dhe përcaktimin e një personazhi i cili është shfaqur në libra, filma dhe media të tjera gjatë gati gjashtë dekadave të fundit,” tha shtëpia e ankandit në një deklaratë.
Aktori skocez Sean Connery vdiq muajin e kaluar në shtëpinë e tij në Bahamas.
“Silueta e Agjentit 007 me një armë në dorë është imazhi më i famshëm i të gjithë serisë dhe një nga më të njohurit në kulturën pop në përgjithësi”, tha Martin Nolan, CEO i shtëpisë së ankandit Julien’s Auctions.
Arma do të jetë një nga 500 rekuizitat e filmave nga filmat e Hollivudit që do të ofrohen në ankand në Beverly Hills më 3 dhjetor.
Ndër të tjera, ka një përkrenare të veshur nga Tom Cruise në “Top Gun” me vlerë deri në 50,000 dollarë, pastaj një xhaketë lëkure të zezë të veshur nga Arnold Schwarzenegger si Terminator, me vlerë deri në 50,000 dollarë, një hoverboard nga filmi “Kthehu në të ardhmen II “e cila mund të shitet për 9,000 dollarë. /tesheshi.com/
