Kombëtarja shqiptare do të luajë mbrëmjen e nesërme ndeshjen kundër Spanjës. Gerard Pique, mbrojtësi i ekipit të Barcelonës, gjatë një konference për shtyp është pyetur edhe mbi ekipin e kuqezinjve.
Në momentin që një nga gazetarët spanjollë e ka pyetur futbollistin nëse Shqipëria është një skuadër e vështirë, për habinë e të gjithëve ai ja ka plasur të qeshurës. “Shqipëria është një skuadër që… (ka qeshur përsëri) isha përgatitur për pyetje tjetër…”.
“Është një skuadër e vështirë, e tregoi veten duke u kualifikuar në Evropianin e fundit. Në Shqipëri e patëm të vështirë, mbyllen mirë në mbrojtje dhe godasin në kundërsulm”, tha Pique pasi arriti të rikthente seriozitetin gjatë konferencës për shtyp.
Ndeshja Spanjë-Shqipëri do të luhet në Alicante. /tesheshi.com/
