Nuk ka shkuar aq në vaj mbrëmë për Spanjën në “Loro Boriçi”, pavarësisht fitores 2-0 ndaj Shqipërisë.
Lajme të këqija kanë ardhur nga dy qendërmbrojtësit, njëri i Barcelonës e tjetri i Realit të Madridit.
Gerard Pique ka lajmëruar se Kupa e Botës dy vite më pas do të shënojë dhe fundin e aktivizimit të tij me përfaqësuesen.
Duke e bërë të qartë se nuk bëhet fjalë për një vendim të çastit, ai do të thoshte në orët e vona të së dielës, “Kupa e Botës 2018 në Rusi ka për të qenë paraqitja ime e fundit me ekipin përfaqësues spanjoll.”
Sipas tij, tërheqja në moshën 31-vjeçare është një vendim i kuptueshëm duke patur parasysh atmosferën
përreth.
Qendërmbrojtësi tjetër, Sergio Ramos, do të qëndrojë një muaj jashtë fushave për shkak të një dëmtimi në gju.
Ramos u dëmtua nga fundi i takimit ndaj Shqipërisë, dhe e la fushën dhjetë minuta para mbarimit të lojës. Dëmtimi i tij është lajmi më i keq që mund të merrte Reali i Madridit në këtë moment të vështirë në kampionatin spanjoll. /tesheshi.com/
