Pas një periudhe kohore prej 11 vitesh, anëtarët e grupit legjendar Pink Floyd ka vendosur që t’i lënë anash mosmarrëveshjet që i kanë patur për vite me radhë për një kauzë të përbashkët, e që nuk është muzika.
David Gilmour, Nick Mason dhe Roger Waters janë bërë përsëri bashkë me qëllim që të mbështesin Women’s Boat to Gaza, një grup grash nga e gjithë bota, të cilat kanë ndërmarrë muajin e kaluar një lundrim me anije nga Barcelona për në Gaza, të sponzorizuar nga Freedom Flotilla Coalition, një grup ky i cili kundërshton rrethimin e Izraelit në Gaza. Anija është kapur nga marina izraelite në fillim të kësaj jave, duke arrestuar gjithë ekuipazhin dhe pritet kthimi i tyre pas.
Faqja e Pink Floyd në Facebook, përmes një postimi të mërkurën ka shprehur mbështetje për gratë aktiviste. I njëjti postim u shfaq edhe në llogarinë e Waters në Facebook edhe në atë të Gilmour.
Krerët “Flotilja e Lirisë” kanë thënë se presin që gratë të lirohen shpejti, duke nënvizuar ndikimin që ka pasur në publik mbështetja e ofruar nga anëtarët e grupit Pink Floyd.
Roger Waters ka bërë fushatë në emër të kauzës palestineze që prej vizitës së tij në Izrael, në vitin 2005. Ai ka bërë thirrje për një bojkot kulturor të Izraelit, si dhe u ka bërë thirrje institucioneve që të heqin dorë nga çdo interesim për këtë vend. /tesheshi.com/
