Knjaz Nikolla, mbreti i fundit i Malit të Zi mbahet mend ndër shqiptarët si njeriu që grabiti territoret shqiptare të Ulqinit, Hotit, Grudës dhe natyrisht Plavën dhe Gucinë.
Monarku dinak malazez i dorëzoi Mbretërisë Jugosllave një vend me territore të pushtuara shqiptare.
Emri i tij është famëkeq në folklorin dhe gojëdhënat e shqiptarëve.
Mirëpo pinjolli i tij, Princ Nikolla II Petroviç, ka marrë me vete një arkitekt francez, ka hyrë në zyrën e kreut të komunës së Ulqinit dhe është i gatshëm të marrë në administrim Kalanë e Ulqinit, ose zonën turistike më të rëndësishëm të qytetit më të famshëm bregdetar të shqiptarëve që ka lidhur më shumë se dy perandori.
Madje, siç bën të ditur komuna e Ulqinit, ky është takimi i dytë i tyre dhe tashmë projekti është pranë finalizimit dhe thuhet hapur se kreu i Komunës së Ulqinit, Nazif Cungu synon t’ja japë nipit të Knjazin kalanë e vjetër të shqiptarëve.
Kalaja e Ulqinit, apo Qyteti i Vjetër, është një kompleks i gjerë turistik që përmban përveç objekteve muzeale që janë xhevahire ekonomike, edhe salla të bollshme për bare, restorante dhe hotele. Administrata e kaluar e komunës së Ulqinit përgatiti një projekt të plotë që parashikon një kompleks ku ngjitesh me teleferik.
Siç bën të ditur komuna e Ulqinit në një njoftim për shtyp: “Princ Nikolla Petroviq se bashku me perfaqesuesit e fondacionit “Petroviq” dhe arkitektin e mirenjohur Benzhamen Muton kryetarin e ICOM-it të Francës u pritën nga Kryetari i Komunës së Ulqinit dhe bashkëpunëtorët e tij.
Takim i dytë radhazi pasi që ne takimin e parë u nis iniciativa per realizimin e studimit per trashëgiminë kulturore dhe sugjerimet për restaurimin dhe rregullimin e Kalasë së Ulqinit. Gjatë takimit konstruktiv u bë fjalë për aktivitetet që duhet bërë kur është fjala për rikonstriumin e objekteve të vjetra në Kala. Këtë rradhë u fol për masa konkrete të propozuara nga ana e të njohur Francez.
Nga ana tjeter kryetari Cungu, duke i shprehur mirënjohje për angazhim Princit dhe ekipit të anagazhuar nga ai tha se këto sugjerime janë të mirëseardhura dhe do të zbatohen edhe për këtë do të kërkohet dhe ndihma e subjekteve relevante republikane e europiane. Përmbushja e këtyre propozimeve do të ishte dhe një kontribut shtesë per idenë e hedhur lidhur me rradhitjen e kalasë, ndonjë pjesë të saj për rradhitjen në mbrojtje të UNESKOS”.
Duhet thënë se administrate aktuale e komunës erdhi pas një marrëveshje ndërmjet Partisë Forca që drejton Nazif Cungu, kryetari aktual me partinë në pushtet, atë Demokratike të Socialistëve që drejtohet nga Gjukanoviq.
Princ Nikolla Petroviç është në fakt në përplasje të vazhdueshme me pushtetin në Mal të Zi, pasi në vitin 2010 refuzoi ofertën e qeverisë që ta kthente tek rezidenca e vjetër mbretërore në Cetinjë dhe t’i jepte një rrogë mujore prej 3 mijë eurosh sa është dhe paga aktuale e presidentit të Malit të Zi. /tesheshi.com/
