Historia më prekëse e ditëve të sotme nis në një plazh në Brazil dhe flet për një pinguin të Magalenit, i cili, çdo vit noton rreth 8 mijë kilometra për të takuar burrin që i ka shpëtua jetën.
credit Rio de Janeiro Federal University
71 vjeçari Joao Pereira se Souza është një murator i dalë në pension dhe peshkatar, i cili jeton në një fshat në rrethinat e Rio de Janeiro. Ai ka gjetur pinguinin e vogël mes shkëmbinjve të një plazhi lokal në vitin 2011, të mbuluar nga katrani dhe mbetje të tjera që deti kishte nxjerrë në breg. Joao e pastroi nga nafta dhe nga llumi si dhe e ushqeu me një dietë me bazë peshkun.
Pas një jave vendosi që ta lirojë Dindim (kështu ia vuri emrin pinguinit) dhe ta çojë në det, por ai me sa duket, nuk ishte ende gati e nuk donte të ikte. “Ndenji me mua 11 muaj dhe më pas më la. U largua papritur”, – kujton Joao.
Ai tregon se disa muaj më vonë Dindim u kthye tek peshkatari. “Më dalloi në plazh dhe më ndoqi deri tek shtëpia”, – tregon Joao. Gjatë 5 viteve të fundit, Dindim ka kaluar 8 muaj të vitit me Joaon dhe mendon që pjesën tjetër të jetës së tij ta kaloj në brigjet e Argjentinës dhe Kilit.
“E dua pinguinin si të ishte im bir dhe ndoshta edhe ai më do po ashtu. Asnjë tjetër nuk e lë që ta prek, ndërsa mua më lejon edhe ta përkëdhel, ta mbaj në krahë apo ta ushqej” , – rrëfen 71 vjeçari./tesheshi.com/
