Vazhdojnë deklaratat kundërshtuese në BE lidhur me daljen e Britanisë së Madhe nga Blloku. Me apo pa kosto, dalja e saj parashihet të ketë përmasa katastrofale në ekonomi dhe jo vetëm. Tani është Presidenti francez Emmanuel Macron ai që thotë se Boris Johnson do të duhet të sqarojë qëndrimin e tij për Brexit, sepse siç thotë, kërkesat e tij për rinegociimin e marrëveshjes së tërheqjes nuk janë “opsion ekzistent”.
Macron tha se një “Brexit i vështirë” në të cilin Mbretëria e Bashkuar del nga BE-ja pa marrëveshje, është produkt i vet Britanisë, duke shtuar se Franca ishte e përgatitur për këtë skenar.
Ai shtoi se kostoja e Brexit pa marrëveshje nuk do të lehtësohej nga marrëveshja lehtësuese me Uashingtonin.
Reagimet e liderit francez erdhën pak përpara vizitës së parë zyrtare të Boris Johnson në Francë si Kryeministër.
Komentet madje janë në kundërshtim me kancelaren gjermane Angela Merkel, e cila tha se ka mundësi për kompromis në çështjen e “prapaskenave” dhe i sugjeroi kryeministrit Johnson që të punojnë për të gjetur një zgjidhje brenda 30 ditëve të ardhshme. /tesheshi.com/
