Siç raportojnë një numër mjetesh informimi, një zyrtar turk u ka deklaruar gazetarëve se dy pilotët turq që morën pjesë në rrëzimin e avionit luftarak rus në nëntorin e vitit të kaluar janë ndaluar për pjesëmarrje në puçin ushtarak të 15 korrikut.
“Dy pilotët që ishin pjesë e operacionit për të rrëzuar avionin rus SU-24 në nëntor të 2015-tës janë në paraburgim,” ka bërë me dije zyrtari, duke sqaruar se ndalimi i tyre qe bërë për lidhje me përpjekjen e dështuar për rrëzimin e qeverisë.
Ministri turk i Drejtësisë, Bekir Bozdag, është pyetur për ndalimin e dy pilotëve, duke u shprehur se kishte raportime të tilla, por se ende nuk ka një konfirmim.
Rrëzimi i avionit rus asokohe solli një përkeqësim të menjëhershëm të marrëdhënieve mes Rusisë dhe Turqisë, që zgjatën për muaj të tërë.
Përmirësimi i këtyre marrëdhënieve u bë i mundur vetëm muajin e shkuar, ndërsa dy kryetarët e shteteve priten të takohen javën e parë të gushtit.
Putini e quajti të papranueshëm përpjekjen për grusht shteti në bisedën telefonike me Erdoganin dy ditë më parë, duke uruar një kthim të shpejtë të stabilitetit në vend. /tesheshi.com/
