Vala e grevave në Francë i ka përfshirë dhe pilotët e kompanisë kombëtare ajrore Air France. Ata kanë nisur një grevë katërditore, duke i bërë të pamundura shumë fluturime, posaçërisht për këtë të shtunë.
Vetëm për ditën e sotme janë anuluar 30 për qind e fluturimeve të kësaj kompanie. Diçka që është shumë shqetësuese, duke patur parasysh se mijëra ndjekës të futbollit kërkojnë të udhëtojnë drejt Francës për të ndjekur aktivitetin më të madh futbollistik të kontinentit.
Megjithatë, është garantuar se do të shihen me përparësi udhëtimet në qytetet ku luhen ndeshjet e Euro 2016-tës.
Ndërkohë që dhe shumë sindikata të tjera kanë organizuar greva të ngjashme, Parisi është pushtuar nga plehrat, pasi ato nuk do të mblidhen deri të mërkurën.
Sindikatat, mes të cilave dhe ajo e pilotëve të kompanisë Air France, kërkojnë rishikimin e ligjit të ri të punës, që mes të tjerash e lehtëson procedurën e marrjes së punonjësve dhe, njëkohësisht, të flakjes në rrugë të tyre. /tesheshi.com/
