Akram Abo Alfoz, një 38-vjeçar sirian nga Douma, zhvillon një formë të veçantë arti; ai kthen armët e luftës në vepra artistike.
Ai thotë se për dizajnet e punimeve të tij merr inspirimin nga trashëgimia e begatshme e Levantinit.
Alfoz beson se rezistenca artistike dhe kulturore të cilën ai e zhvillon, nuk është më pak e rëndësishme se sa betejat në terren.
Artisti, duke folur për frymëzimin për pikturat e tij thotë: “Kam dëshiruar që puna ime të shërbejë si dëshmi për këtë epokë, në mënyrë që të mos të harrojmë krimet e presidentit Bashar al-Asad.”
“Kjo vepër arti shërben si një mesazh shprese, vendosmërie dhe lufte në të njëjtën kohë; dhe si një kujtesë për ata që mund të na shohin, por po qëndrojnë në heshtje”, ankohet ai.
Për babain e tre fëmijëve, vizatimi nëpër predha të paplasura gjithashtu tregon një përrallë personale të rritjes së fëmijëve nën rrethim në Siri. “Vizatimi mbi këto mjete të vdekjes ndihmon që të heq frikën në sytë e fëmijëve të mi, të cilët nuk më lënë mua gjatë gjithë procesit të vizatimit, që nga fillimi deri në fund.”
I pyetur nëse ai ka ndonjë mesazh për botën, Alfoz tha: “Ne jemi njerëz që e duan jetën dhe të luftojmë për të, në mënyrë që të jetojmë me dinjitet. Qeveria siriane na quan terroristë, por ne nuk jemi. Ne duhet ta mbrojmë tokën tonë me të menduarit tonë dhe kulturën tonë.”
Në Ghouta-n lindore ku Alfoz jeton në qytetin Douma, nja 282.500 njerëz mbesin akoma të rrethuar nga forcat pro-Asad, sipas të dhënave të Kombeve të Bashkuara. /teshesho.com/
