Agjensia Ndërkombëtare e Ndjekjes së Financimit të Terrorizmit (FATF) ka shtuar shtatë vende të reja në “listën gri” për dështimet për të luftuar financimin e terrorizmit dhe pastrimin e parave, raporton AP.
E teksa renditen këto vende, si Xhamajka, Barbadosi, Mauritinia, Mianmari, Nikaragua dhe Uganda, mes tyre ndodhet dhe Shqipëria.
Këto vende janë urdhëruar të marrin një numër masash ligjore dhe të tjera për t’i hequr nga lista dhe për të shmangur dënimet e mëtejshme financiare.
FATF gjithashtu njoftoi një monitorim të rreptë të Iranit, dhe në të njëjtën kohë lëshoi një paralajmërim për qeverinë pakistaneze, e cila iu dha katër muaj të tjerë për të forcuar masat e saj kundër terrorizmit në mënyrë që të mos futej në listë.
FATF ka prezantuar masa shtesë monitoruese kundër Iranit që mund të sjellin verifikimin e disa transaksioneve më shumë, gjë që do t’i vështirësonte investitorët e huaj të bëjnë biznes në atë vend.
Këto masa u prezantuan sepse Irani nuk arriti të përmbushë detyrimet e tij ndaj FATF pavarësisht paralajmërimeve të përsëritura.
Por gjithsesi bën çudi prania e Shqipërisë në listë, pasi një asnjë institucion ndërkombëtar nga ato që monitorojnë rregullisht politikat e Tiranës nuk ka ngritur shqetësimë të këtij lloji. Përkundrazi, Shqipëria është vlerësuar për të kundërtën.
Ndërkohë, duke parë vendet e renditura, të cilat variojnë nga Azia e largët e deri në Afrikën e Amerikën Latine, është e pakuptueshme se të gjendurit e Shqipërisë në Europë mes tyre. /tesheshi.com/
