Një video e shpëndarë nga kryeministri Rama mëngjesin e kësaj të mërkure ka shkaktuar një reaksion në masë në rrjete, pasi Kosova “është lënë” nën Serbi në koncept grafik, ku në një hartë të animuar ajo nuk shfaqet si shtet më vete me vijëzim kufinjsh.
Mesazhi i videos nuk ka patur të bëjë me Kosovën por vetëm me Shqipërinë. Kryeministri Rama ka promovuar nëpërmjet saj hartën e investimeve të ujësjellësa, sipas diciturës ku thuhet: “Dhe me hartën e investimeve për sigurimin e furnizimit 24 orë me ujë në zonat rurale të vendit nga veriu në jug, ju uroj një ditë të mbarë”.
Por tej hartës së Shqipërisë, thjesht grafikisht, janë shfaqur dhe hartat e fqinjëve, ku bie në sy mos’ekzistenca e Kosovës. Por, pas reagimeve frenetike në rrjete, është ofruar videoja “korrekte”, ku kufijtë e fqinjëve nuk kanë asnjë vijëzim e është thjesht një sfond i bardhë.
Do duhet një prononcim i vetë Ramës për këtë lloj proçke në komunikimin e tij publik, të cilit i kushton gjithnjë kujdes dhe në detaje për të qenë sa më i kuruar. Sepse, korrigjimi që ka bërë, përcjellë idenë e një syleshësie. Por nga ana tjetër, i mprehur fort në shikim, edhe si specialist i vizuales, syleshësia ngjan si djallëzi.
Mbetet e me plot pikëpyetje …/tesheshi.com/
https://www.facebook.com/edirama.al/videos/557579354999988/?t=9
