Bazuar në simptomat që kishte Alexei Navalny, mund të themi se ka shumë të ngjarë me një helmim i ngjashëm me atë që Pyotr Verzilov, një tjetër opozitar rus që u trajtua për helmim të ngjashëm në spitalin “Charite” në Berlin, kishte rreth dy vjet më parë.
“Nëse Navalny është helmuar, ka shumë të ngjarë që të jetë një helm neuro-muskulor që çon në paralizë. Nëse është helmim, do ta dimë në dy deri në tre ditë”, tha dr. Andrej Trampuž, një mjek slloven, specialist i infektologjisë dhe mjekësisë së brendshme, i cili jeton për shumë vite në Berlin dhe punon në spitalin “Charite”, ku opozitari rus Navalny u pranua për trajtim.
“Ai është vendosur në njësinë e kujdesit intensiv të spitalit tonë, ai është akoma në gjendje kome, por është në një gjendje të qëndrueshme dhe do të kujdeset nga intensivistët më të mirë gjermanë. Fluturimi pesë-orësh nga Omsku për në Berlin shkoi në rendin më të mirë të mundshëm dhe nuk pati komplikime.
Mostrat e gjakut dhe urinës u morën nga Navalny, dhe tani do të kryhen të gjitha analizat toksikologjike për të përcaktuar se për çfarë bëhet fjalë dhe nëse pacienti ynë është vërtet i helmuar, siç thonë njerëzit afër tij. Në mënyrë që të mund të përcaktohet nëse një pacient është helmuar, është e nevojshme që ai të sillet në spitalin tonë brenda pesë deri në shtatë ditë pas ngjarjes. Trajtimi i tij do të ketë kujdesin kryesisht të anaesteziologëve, posaçërisht të mjekëve të kujdesit intensiv, dhe nëse ndodh një infeksion, ekipi im i mjekëve do të kujdeset për të”, tha Dr. Trampuž.
Ky rast është shumë i ngjashëm me atë të Verzilovit. Ai gjithashtu u trajtua në “Charite” dhe ne arritëm t’i shpëtojmë jetën e tij, shton ai.
“Anesteziologët, toksikologët, internistët dhe intensivistët janë të përfshirë në trajtimin e Navalny-t. Nëse organet e tij të brendshme nuk dëmtohen dhe nëse nuk fillojnë të dështojnë, dua të them kryesisht në mëlçi, Navalny ka një shans të mirë për të mbijetuar. Por nëse organet fillojnë të dështojnë, gjendja e tij më tej komplikohet dhe trajtimi bëhet shumë i pasigurt. Jeta e Navalny-t ndryshoi në një minutë. Ai ndjeu dhimbje të madhe dhe më pas ra në një gjendje komatoze”, thotë Dr. Trampuž. /tesheshi.com/
