Soda me rozmarinë e përgatitur në kushte shtëpie është shumë herë më e shëndetshme sesa pijet e gazuara që blejmë supermarketeve dhe që kanë nivele të larta sheqeri.
Rozmarina është një bimë aromatike, e cila ka qenë shumë e përdorur në kuzhinën e Mesdheut. Gjethet janë përdorur si aromatizuese në ushqim. Ka një shije të veçantë dhe një aromë unike.
Bima e rozmarinës vjen që nga antikiteti dhe është mjaft e përdorur sot, jo vetëm në kuzhinë, por edhe në mjekësi dhe kozmetikë. Prandaj këshillohet që të integrohet në receta të ndryshme, sikurse është edhe pija që do t’ju tregojmë.
Përbërësit:
1 lugë gjelle me rozmarinë të tharë, 3/4 e filxhanit me sheqer kokosi, 1 filxhan me ujë të filtruar
Përgatitja:
Vendosini përbërësit të ziejnë në një enë për gati një orë e gjysmë, duke e kontrolluar herë pas herë derisa të formohet një shurup. Hidheni shurupin e përgatitur në një gotë me ujë me gaz dhe akull. Ju bëftë mirë!/tesheshi.com/
