Kafja mbron zemrën. Pirja mesatarisht e tre filxhanëve kafe në ditë redukton rrezikun e goditjeve në zemër. Ky fakt është zbuluar nga një studim ndërkombëtar i bazuar në 25 mijë persona, burra dhe gra në moshë të mesme dhe është publikuar në revistën shkencore “Heart”.
Studimi është zhvilluar nga Kangbuk Samsung Hospital në Seul të Koresë së Jugut.
Studimi tregoi se kush pi 3-5 filxhanë kafe në ditë i ka koronaret më të pastra. Të gjithë personat e përfshirë në studim ishin të shëndetshëm ose pa simptoma të evidentuara të sëmundjeve kardiake. Por kur të gjithë personat e përfshirë në studim ju nënshtruan analizave për të parë gjendjen e koronareve të tyre, rezultoi se për 1 në 10 prej tyre në arteriet e zemrës kishte depozita kalciumi dhe elementësh të tjerë.
Në fakt koronaret luajnë rol bazik për shëndetin e njeriut pasi nëse nuk funksionojnë mirë, ndodh infarkti. Duke analizuar të dhënat e personave të studiuar dhe stilin e jetës rezultoi se ata persona që pinin 3-5 filxhanë kafe në ditë kishin zemër më të fortë dhe arteriet më të pastra./tesheshi.com/
