Dihet që top sportistët i kushtojnë vëmendje dietës së tyre dhe shpenzojnë shumë para për nutricionistët dhe shefat e kuzhinës që do të kujdesen për ta, atë çfarë ata ushqehen.
Por pas gjithë atij ushqimi të shëndetshëm, shpesh pa shije, edhe sportitët më të mirë duan të hanë një lloj ushqimi të shpejtë.
Megjithatë, duke qenë se nuk mund ta përballojnë atë, disa do të kërkojnë versione të shëndetshme të këtyre ushqimeve për t’i dhënë vetes një lehtësim.
Kështu Messi, i cili po vijon karrierën në SHBA, ka postuar një foto të vaktit të tij të shëndetshëm me “temë të ushqimit të shpejtë”.
Argjentinasi ka postuar në rrjetet sociale një foto të një pice të bërë me përbërës të shëndetshëm, por ajo që ka tmerruar fansat e tij ka qenë pamja e ushqimit, e cila nuk është aspak tërheqëse.
Në postim ai ka falënderuar picerinë nga Majami dhe fansat kanë vërshuar internetin me komente të ndryshme.
Njëri prej tyre thotë: “Kjo është pica më e keqe që kam parë ndonjëherë”.
A do ta provonit picën e Messit? /tesheshi.com/
