Pfizer po punon për të rritur kapacitetin e saj të prodhimit dhe do të zvogëlojë përkohësisht shpërndarjet e vaksinës së saj kundër COVID-19 në Evropë gjatë kësaj periudhe, njoftuan të premten kompania dhe Instituti Norvegjez i Shëndetit Publik (FHI).
“Ne e morëm mesazhin këtë mëngjes. Ne prisnim 43,875 doza të vaksinës Pfizer në javën 3 (javën e ardhshme). Tani duket se ne do të marrim 36,075 doza,” tha FHI.
Reduktimi ishte për shkak të rregullimit të prodhimit të Pfizer për të qenë në gjendje të prodhonte dy miliardë doza në vit në të ardhmen krahasuar me 1.3 miliardë aktual.
“Ky reduktim i përkohshëm do të prekë të gjitha vendet evropiane,” tha FHI, duke shtuar se “nuk është ende e qartë se sa kohë do të duhet derisa Pfizer të arrijë përsëri prodhimin në kapacitetin e saj maksimal.”
Ndryshimet në procesin e prodhimit
Dhe Pfizer ka konfirmuar ndryshimet në procesin e saj të prodhimit.
“Megjithëse kjo do të ndikojë përkohësisht në frenimit e furnizimit në fund të janarit dhe në fillim të shkurtit, kjo do të sjellë një rritje të konsiderueshme të dozave për të gjithë pacientët në fund të shkurtit dhe marsit,” tha gjigandi farmakologjik amerikan.
Norvegjia, si një jo-anëtare e Bashkimit Evropian, ka qasje në vaksinë falë Suedisë, një anëtare e BE, që blen më shumë sesa është e nevojshme dhe shet ato doza në Norvegji.
Instituti pretendon se nuk do të ketë vonesa në vaksinimin e popullatës sepse ka krijuar rezerva vaksinash.
Shumë vende të Bashkimit Evropian ankohen se po transportohen në sasi më të vogla se sa pritej dhe se ka pasiguri në lidhje me dërgesat në të ardhmen. /tesheshi.com/
