Pas një vonese të përkohshme në prodhimin e vaksinave, fabrika e Pfizer-it në qytetin belg të Puurs e ktheu orarin e dorëzimit në normale, njoftoi kompania.
Siç thuhet, vetëm 8 për qind më pak doza u shpërndanë javën e kaluar dhe në fillim të kësaj jave në krahasim me kohën standarte.
“Siç kemi njoftuar, ne jemi kthyer në ritmin normal të prodhimit të planifikuar. Ndikimi ishte minimal dhe ne dhamë 8 përqind më pak doza nga sa ishte planifikuar fillimisht,” tha zëdhënësja e Pfizer-it, Marie Lisi Verschelden.
Më 15 janar, Pfizer njoftoi se do të dorëzonte përkohësisht doza më të vogla të vaksinave të koronavirusit në Evropë, për shkak të ndryshimeve në procesin e prodhimit në uzinën e saj në Puurs.
Kjo vonesë supozohej të kishte një ndikim të kufizuar nga 18-25 janari.
Shumë vende evropiane kanë njoftuar procese gjyqësore kundër kompanisë amerikane për shkak të vonesës, sepse plani i tyre për të vaksinuar popullatën është prishur. /tesheshi.com/
