Zyrtarët e regjimit kanë njoftuar të premten se është pezulluar evakuimi i civilëve dhe luftëtarëve të opozitës nga Halepi lindor. Reuters njoftoi se janë dëgjuar shpërthime në vendin prej nga janë nisur autobusët e evakuimit.
Pas pezullimit, thuhet se milicitë e regjimit të mbështetura nga Irani, hapën zjarr mbi karvanin e evakuimit dhe më pas morën 800 pengje.
Operacioni më parë ishte sabotuar nga milicitë e mbështetura nga Irani, duke vrarë katër civilë dhe duke plagosur disa persona të enjten, kur karvani i parë i evakuimit po largohej nga Halepi.
“Karvani i gjashtë i evakuimit që mbante civilë të plagosur dhe luftëtarë të opozitës ishte rrugës për në Idlib, ndërkohë që rreth 7.500 civilë dhe luftëtarë të opozitës janë evakuuar”, thanë zyrtarët të premten./tesheshi.com/
