Rrëzimi i një avioni pranë Medelinit në Kolumbi, në të cilin gjendej dhe ekipi brazilian i Chapecoense-s, ka sjellë pezullimin e të gjitha aktiviteteve të futbollit në kontinentin amerikanolatin.
Konfederata Amerikanojugore e Futbollit i ka pezulluar veprimtaritë deri në një lajmërim të dytë.
Një njoftim i shkurtër këtë mëngjes i CONMEBOL-it ka konfirmuar pezullimin, duke shprehur njëkohësisht hidhërimin për ngjarjen.
Skuadra braziliane e Chapecoense-s po fluturonte drejt Kolumbisë për të luajtur në Medelin ndaj Atletico Nacional-it, në finalen e parë të Kupës Amerikanojugore.
“Zoti qoftë me sportistët tanë, me gazetarët e me të ftuarit e tjerë që janë me delegacionin,” thuhet në një deklaratë të klubit brazilian.
Mes 81 personave që gjendeshin në avion, njoftohet për së paku shtatë të mbijetuar. /tesheshi.com/
