Gardiani çek ka mbyllur portën e tij në 170 takime të zhvilluara në Premier League, duke u bërë kështu portieri i parë që mbanë portën e paprekur në kaq shumë ndeshje. Prapa tij, tashmë mbeten David James (169 ndeshje) dhe Mark Schwarzes (152).
Cech që këtë edicion ka ndërruar ambient, duke u zhvendosur nga Lindja në Perëndim të Londrës, derisa është bashkuar skuadrës Arsenal, pas aventurës disavjeçare tek Chelsea. Në këtë edicion është bërë mur për sulmuesit rivalë në tetë përballje nga 19-të sa ka zhvilluar.
Me numra të ngjashëm këtë edicion qëndrojnë edhe Joe Hart (Manchester City), Jack Butland (Stoke City) dhe Heurelho Gomes (Watford), mirëpo kampionati anglez tashmë ka një rekordmen sa i përket ndeshjeve së mbajturi portën të paprekur, e ai është Petr Cech.
/tesheshi.com/
