Forma e mirë që po kalon Jamie Vardy me skuadrën Leicester City, ka shtyrë tifozët e kësaj skuadre të krijojnë një peticion për ndërtimin e statujës së sulmuesit anglez pranë King Power Stadium.
28-vjeçari theu rekordin e mbajtur gjatë nga Ruud van Nistelrooy, duke realizuar në 11 ndeshje rradhazi në kampionatin anglez.
Pas thyerjes së këtij rekordit dhe formës fantastike që ka ndihmuar skuadrën e Leicester City-t të jetë lider në renditjen tabelare, ka shtyrë tifozët e kësaj skuadre të mendojnë diçka me tepër se e zakonshmja, ndërtimin e një statuje pranë stadiumit.
Peticioni tashmë ka filluar në faqen PredictTheSix.com, me ç’rast synohet mbledhja e 1,000 nënshkrimeve.
“Ne duam që rekordi i thyer nga Vardy të mbahet mend gjatë nga brezat e ri përmes kësaj statuje, e jo të mbahet në sirtaret e vjetëruara të Federatës Angleze”, thuhet në njoftim. /tesheshi.com/
