Si pjesë e luftës kundër pandemisë COVID-19, udhëheqësit e Bashkimit Evropian po përgatisin një program të ri shëndetësor me vlerë 9.4 miliardë euro.
Komisioneri evropian për Shëndetësi dhe Ushqim, Stella Kyriakidou tha në Bruksel se një program i ri për forcimin e sistemit shëndetësor të BE është në përgatitje e sipër.
Duke theksuar se sistemi shëndetësor duhet të jetë i përgatitur për sfida të ndryshme, Kyriakidou tha se një total prej 9.4 miliardë eurosh do të ndahen nga buxheti i BE deri në vitin 2027 për programin e ri.
“Paradigma e Bashkimit Evropian në fushën e shëndetit ka ndryshuar, dhe shëndeti i njeriut është një nga përparësitë,” tha Kyriakidou.
Prioriteti i BE-së
Ajo më tej tha se brenda programit të ri, do të krijohen rezerva të pajisjeve mjekësore për nevojat e veprimit të shpejtë në situata krize.
Programi gjithashtu parashikon trajnime të ndryshme për stafin mjekësor, dhe kërcënimet për shëndetin në shoqëri do të monitorohen me kujdes shtesë.
Zbatimi i programit kërkon miratimin e Parlamentit Evropian dhe të gjithë anëtarëve të BE-së.
Kujtojmë se kriza koronare e gjeti BE-në të papërgatitur, deri në parashkimin apokaliptik se ky mund të qe fundi i saj. Varësia e Europës nga Kina, si në medikamente e si pajisje mbrojtëse, qe vetëm një aspekt i një fuqie që rezultoi “tigër prej letre”. /tesheshi.com/
