Asnjë tolerim për ish-ministres e Brendshme të Maqedonisë së Veriut, Gordana Jankullovska. Ajo, një emër i njohur i politikës së Shkupit në 20 vitet e fundit, personazh i epokës “Gruevski”, u “plas në qeli” pas një dënimi me 4 vite burg për dosjen “Tanku” – një Mercedez 600 mijë eurosh, blerë n ga Gruevski kur ishte në pushtet.
Vuajtjen e dënimit ajo e kishte shtyrë deri në vendimin përfundimtar në Gjykatën e Apelit, e cila ditë më parë hodhi poshtë ankesën e saj.
Gordana Jankullovska është zyrtarja e parë e qeverisë së mëparshme që përfundon prapa hekurave.
Ajo është vendosur në karantinë në repartin e pritjes për të paktën pesëmbëdhjetë ditët e ardhshme, periudhë gjatë së cilës do të bëhen vlerësimet e sigurisë, përpara se të transferohet në një qeli me të dënuarit e tjerë, raporton REL.
Kujtojmë se Gordana Jankullovska ishte pjesë e “Bombave përgjuese” të Zaevit, në kohën kur ky i fundit ishte në opozitë.
Në disa nga bisedat e publikuara në vitet 2013-2014, Jankullovska dëgjohej duke fyer shqiptarët, me etiketimin pezhorativ si “indianë”.
Në një nga bisedat e publikuara, ajo kishte pranuar se në burg po qëndronin pa asnjë faj mbi dhjetë banorë shqiptarë të Sopotit në Kumanovë, të akuzuar për shpërthimin e një mine në këtë fshat nga e cila kishin humbur jetën dy pjesëtarë të NATO-sShkuarja në burg e Jankullovskas, pra një personazh grua, pason atë të një tjetër gruaje që si “peshk i madh” përfundoi në qeli në Maqedoni. Ishte kryeprokurorja speciale Katica Janeva, e cila dhe ajo u përfshi në një aferë korrupsioni.
Në Shqipëri, diçka e tillë, është ende larg të ndodhë. /tesheshi.com/
