Një koment mjaft interesant për vendosjen e kryqit në komunën e Butelit si kundërpërgjigje e vendosjes së shqiponjës dy krerëshe në Çair të Shkupit, vjen edhe nga peshkopi i Kishës Ortodokse Maqedonase, Pimen.
Ai në rrjetin social facebook ka tërhequr vërejtjen se shqiponjat dhe kryqet po vendosen për të filluar gjakderdhjet dhe marrëzitë.
“Shqiponja dhe kryqe. Provokime dhe rënie të provokimeve. Zakonisht, në botë monumentet vendosen si simbol për t’i dhënë fund çmendurisë dhe gjakderdhjeve. Tek ne është e kundërta. Vendosen për të filluar marrëzitë”, shkruan ai në Facebook.
Peshkopi Pimen i dënon tentativat për të acaruar ndjenjat fetare dhe për të nxitur urrejtje mes qytetarëve. /tesheshi.com/
