Një grua u vra nga një peshkaqen jo shumë larg bregdetit në shtetin amerikan të Maine.
Sulmi ndodhi në afërsi të ishullit Bailey, ku viktimë mbeti 63-vjeçarja Julie Holowach, shkruan BBC.
Ky është sulmi i dytë i peshkaqenëve i regjistruar ndonjëherë në shtetin e Maine, përgjatë brigjeve të të cilit peshkaqeni i madh i bardhë nuk shihet shpesh pasi preferon dete më të ngrohta.
Pak para sulmit, zonja Holowach ishte duke notuar 18 metra larg bregut me vajzën e saj, e cila për fat të mirë mbeti e padëmtuar.
Sulmi u pa nga Tom Whyte i cili e përshkroi skenën e tmerrshme për AP.
“E dëgjova duke qeshur, dhe pastaj vetëm në një moment ajo filloi të bërtiste: ndihmë, ndihmë!”. Pas kësaj, ajo thjesht u zhduk nën sipërfaqen e detit,” thotë Whyte.
Një tjetër dëshmitar i sulmit i tha AP se “kishte shumë gjak në ujë”.
Zonja fatkeqe më pas u nxorr në breg, por gjithçka kishte mbarruar. Pjesa e dhëmbëve të peshkaqenit konfirmoi se ishte një sulm nga një peshkaqen i madh i bardhë.
Peshkaqeni i madh i bardhë është një nga grabitqarët më të mëdhenj në det, dhe njihet gjithashtu si peshkaqeni më i rrezikshëm. /tesheshi.com/
