Fituesi i një medaljeje të bronztë në peshëngritje, Izzat Artykov, bëhet sportisti i parë në Lojërat e Rios që përjashtohet pasi ka rezultuar pozitiv në testet e dopingut.
Peshëngritësi 22-vjeçar nga Kirgizstani do ta fitonte medaljen në garimin në peshën 69 kg, por tani i është hequr çmimi i fituar dhe është eliminuar nga Gjykata e Arbitrazhit Sportiv.
Artykov ka rezultuar pozitiv për përdorim të strikninës.
“Medalja e tij është marrë dhe ai është përjashtuar nga Lojërat Olimpike,” shpalli tribunali antidoping i CAS-it.
Medalja e bronztë në këtë peshë shkon për peshëngritësin kolumbian Luis Javier Mosquera, i cili qe renditur i katërti. /tesheshi.com/
