Pesë yjet që kanë realizuar më pak gola se San Marino …

San Marino ka festuar gjatë golin e parë pas 14 viteve, pothuajse sikur të kishte fituar tripletën e famshme europiane. Gjithsesi, humbja ishte e pashmangshme 2-1 ndaj Lituanisë, por goli i Lukas Spalvis është shumë krahasuar me bilancin e pesë yjeve të futbollit europian që nuk kanë realizuar asnjëherë në muajin shtator.

1. Diego Costa.

Sulmuesi i klubit londinez Chelsea ka gjetur vetëm njëherë rrugën drejt portës këtë sezon dhe atë në fund të muajit gusht në duel me ËBA-në. Ndërkohë, spanjolli ende nuk e ka shijuar ndjesinë e golit në muajin shtator, në kohën kur skuadrës së Mourinhos po i nevojiten më së shumti golat.

2. Luis Suarez.

Forma e dobët e sulmuesit uruguajan po reflektohet edhe në skuadrën e Barcelonës. Në tre duelet e para këtë sezon në kampionatin spanjoll azulgranët kanë realizuar vetëm katër herë, por asnjë nga golat nuk mban emrin e Suarez.

3. Raheem Sterling.

Shifra e lartë e paguar nga Manchester City për transferimin e tij nga Liverpooli duket të jetë një presion për sulmuesin anglez Raheem Sterling që ende nuk e ka gjetur portën gjatë ndeshjeve të muajit shtator.

4. Mario Balotelli.

Rikthimi i tij në Milano mund të rikthejë edhe golat tek sulmuesi italian. Një sezon tërësisht i dështuar te Liverpooli me vetëm tre gola mund të jetë edhe shkaku i forms së tij aktuale pasi ende nuk ka realizuar asnjë gol në muajin shtator.

5. Niclas Bendtner.

Sulmuesi danez i Wolfsburgut nuk e ka gjetur ende rrugën drejt rrjetës në këtë muaj. Ka realizuar ndaj Bayern Mynihut në minutat e fundit në Superkupën e Gjermanisë, por këtë muaj ende nuk e ka shijuar një gëzim të tillë.
/tesheshi.com/