Një “defekt katastrofik në motor” ka sjellë rënien e një avioni të vogël mbi një qendër tregtare në Melburn të Australisë, duke u marrë jetën personave që gjendeshin në të.
Katër qytetarë amerikanë dhe piloti australian kanë gjetur vdekjen nga aksidenti, ndërkohë që, për fat, qendra tregtare nuk ka qenë e hapur, duke shmangur kështu një bilanc akoma më tragjik.
Avioni sapo ishte ngritur nga aeroporti i vogël Essendon, rreth 13 kilometra në veriperëndim të Melburnit.
U desh ndërhyrja e 60 zjarrfikësve për ta vënë nën kontrollin zjarrin e shkaktuar nga rënia e avionit, e paralel me këtë pati dhe mbyllje të tre shkollave pranë vendit të incidentit dhe evakuim të zonës. /tesheshi.com/
