Këto pesë ushqime do t’ju ndihmojnë të forconi imunitetin tuaj dhe të kaloni dimrin pa grip:
Hudhra – Përbërësi aktiv i hudhrës – allicini – ka veprim anti-inflamator dhe antibakterial. Përvoja ka treguar se njerëzit të cilët rregullisht konsumojnë hudhër në sallata dhe mish, shumë më rrallë vuajnë nga ftohjet dhe gripi. Doza e rekomanduar: dy feta hudhër çdo ditë dhe disa herë në javë t’i shtohen ushqimit.
Kosi – Probiotikët ose “kulturat e aktive të gjalla” të cilat ndodhen në kos, janë në fakt bakteret jo-patogjene të cilat mbrojnë traktin gastrointestinal nga mikroorganizmat patogjene. Në mesin e këtyre baktereve të shëndetshme është veçanërisht e dobishme ”Lactobacillus reuteri”, e cila stimulon prodhimin e leukociteve, veçanërisht e rëndësishme për rritjen e sistemit imunitar. Doza e rekomanduar: dy gota kos në ditë.
Tërshëra dhe elbi – Këto drithëra përmbajnë “beta-glukan” ose një lloj fibrash bimore. Tërshëra dhe elbi janë provuar se forcojnë sistemin imunitar, përshpejtojë procesin e shërimit të plagëve dhe rrisin efektin e antibiotikëve. Doza e rekomanduar: të paktën tre porcione të njërës nga këto drithëra brenda javës.
Supa e pulës – Ky lëng i nxehtë, i ushqyeshëm, zvogëlon sekrecionin në sistemin e frymëmarrjes, në të njëjtën mënyrë sikurse barërat kundër kollitjes. Duke shtuar qepë dhe hudhër, përforcohen vetitë e saj mbrojtëse. Doza e rekomanduar: hani supë sa më shpesh të jetë e mundur, sidomos kur të ndjeni shenjat e para të ftohjes.
Peshku – Seleniumi, i cili ndodhet në sasi të mëdha në prodhimet e detit, stimulon prodhimin e citokineve në leukocite. Peshku salmon dhe hake janë të pasura me acide yndyrore omega-3, të cilat ulin inflamacionin dhe mbrojnë mushkëritë nga infeksionet respiratore. Doza e rekomanduar: dy porcione peshk apo ushqim deti në javë, përveç nëse jeni shtatzënë ose planifikoni të mbeteni shtatzënë. /tesheshi.com/
