Pesë udhëheqës të ETA-s, grupit separatist bask, janë akuzuar nga një gjykatë spanjolle për krime kundër njerëzimit. Akuza u referohet vrasjeve dhe rrëmbimeve të ndodhura në vitin 2004.
Gjykatësi i çështjes e mbështeti akuzën te fakti se sulmet e asaj kohe ishin pjesë e një sulmi të përgjithësuar apo sistematik kundër popullsisë civile ose një pjese të saj.
Katër prej të akuzuarve gjenden në burgjet franceze, pasi janë arrestuar në atë vend. I pesti, Jose Antonio Urrutikoetxea, është në arrati që kur i shpëtoi arrestimit po në Francë dy vite më parë.
Dënimi maksimal për një akuzë të tillë është 30 vite burg.
Pas një serie të gjatë atentatesh, ETA do të deklaronte në 2011-ën se i jepte fund veprimtarisë së dhunshme, çka do të pasohej në 2014-ën me nisjen e një programi çarmatimi. /tesheshi.com/
