Nëse po kërkoni për një pije që të ndihmojë në rënien e peshës apo thjeshtë të nxis metabolizmin tuaj atëherë provoni pijet e mëposhtme dhe eliminoni absolutisht pijet alkolike, me gaz apo me sheqer.
- Çaji i mentës dhe çaji jeshil
Të dyja përmbajnë elementë antioksidues dhe parandalojnë inflamacionin gjë që ndihmon në përmisimin e punës së metabolizmit.
- Luleshtrydhe me qumësht
Shërben gjithashtu dhe për përforcimin e muskujve përmes marrjes së kalciumit nga qumështi dhe nxit metabolizmin falë luleshtrydheve. Mjafton të fusim qumësht dhe luleshtrydhe në një mikser dhe nëse duam ta trashim pak dhe ta ëmbëlsojmë i shtojmë dhe një grusht tërshërë dhe pak mjaltë.
- “Smoothie”, miks frutash
Kjo lloj pijeje është gjithashtu shumë e shijshme. Prej saj mund të përfitojmë shumë vitamina nga kombinimi i ndryshëm i frutave por mund të shtojmë dhe zarzavate si karrotë ose panxhar që i japin një shije të ëmbël por edhe ngjyrë të bukur.
- Lëng molle
Molla është një nga detoksët më të mirë të organizmit tonë. Pak lëng molle, kanellë dhe mjaltë e bën atë një super pije.
- Përzirje lëngjesh me erëza
Kjo lloj pijeje mund të përgatitet qoftë e ftohtë, apo e ngrohtë. Për ta përgatitur duhet pak çaj, mundësisht jeshil, një fetë limon, kanellë, piper si dhe pak mjaltë. /tesheshi.com/
